Nýggj stevnumið fyri dagstovnar verða væntandi sett í gildi seinni í ár. Stevnumið skulu skiljast sum tey eru søgd – sum ein stevna, sum arbeiðið á dagstovninum skal miða seg eftir. Les meira
Síðan 2008 hevur Mentamálaráðið arbeitt við at gera nýggjar námsætlanir til fólkaskúla og miðnám. Nýggjar námsætlanir eru settar í gildi fyri fólkaskúlan og verða ætlandi settar í gildi fyri miðnám næsta ár. Les meira
Nýggjur próvtalsstigi verður settur í gildi fyri fólkaskúlan í august í ár. Galdandi 13-talsstigin verður avloystur av nýgja 7-talsstiganum, ið byggir á ECTS-próvtalsskipanina. Les meira
Síðan 2008 hevur Mentamálaráðið arbeitt við at fáa til vega nýggjar og tíðarhóskandi námsætlanir og próvtalsstiga til føroyska skúlaverkið. Royndir lærarar í fólka-, vinnu- og miðnámsskúlunum hava orðað uppskot til nýggjar námsætlanir, sum síðan eru ritstjórnaðar í Mentamálaráðnum.
Nýggju námsætlanirnar og próvtalsstigin verða sett í gildi fyri fólkaskúlan frá skúlaársbyrjan 2011 og fyri miðnámsskúlarnar frá august 2012.
Saman við Mentamálaráðnum hevur Nám gjørt tríggjar frymlar, sum eru ætlaðir læraranum at nýta í sambandi við at undirvísingin í skúlunum verður løgd til rættis, og tá ið undirvísingargongdirnar í lærugreinunum verða framdar. Hesir frymlar eru tó ikki ókendir millum lærarar, men nú hava lærarar møguleika at nýta einsháttaðar frymlar í sambandi við henda partin av arbeiði sínum.
Námsfrøðiligu stevnumiðini taka støði í endamálsgreinini í Løgtingslóg nr. 67 frá 10 mai 2000 um dagstovnar og dagrøkt. Hetta eru fyrstu stevnumið av sínum slag fyri dagstovnar í Føroyum. Stevnumiðini stinga virðisgrundarlagið út í kortið, sum dagstovnarnir skulu byggja sítt virksemi á, og skulu verða grundarlagið undir ársætlanunum hjá dagstovnunum. Harumframt eru stevnumiðini vegleiðandi fyri dagrøktarskipanir.
Stevnumiðini leggja dent á dagstovnin sum ein pedagogiskan stovn, sum fyrst av øllum er til fyri børnini, so tey fáa góðar møguleikar at menna og menta seg.
Í nógv ár hava vit brúkt tann sonevnda 13-talsstigan, tá ið próvtøl hava verið givin. Frá komandi skúlaári verður hetta broytt so, at teir næmingar, sum fara í 8. flokk í 2011 og taka 9. floksprógv á sumri 2013, fáa próvtøl sambært nýggja próvtalsstiganum.
Nýggi próvtalsstigin, sum fevnir um 7 próvtøl, er avgjørdur. Tað merkir, at próvtølini í nýggja stiganum verða beinleiðis borin saman við tey førleikamál, sum eru sett í námsætlanini fyri ta ávísu lærugreinina. Nýggi próvtalsstigin samsvarar við altjóða ECTS-próvtalsstigan.
