Tillagingar í skrivligu próvtøkum fólkaskúlans

Mentamálaráðið hevur við støði í námsætlanunum og fakligum tilmælum frá lærarum dagført skrivligu próvtøkur fólkaskúlans. Dagføringarnar eru gjørdar sambært fakligu málunum í námsætlanunum, og samstundis eru tillagingar gjørdar í partinum um eftirmetingar og próvtøkur í námsætlanunum í føroyskum, donskum og enskum.

Latið inn hevur JD hin

Broytingar í próvtøkum og próvtøkuháttum

Broytingar eru gjørdar í námsætlanunum í sambandi við próvtøkurnar í føroyskum, donskum og enskum í fólkaskúlanum.
Í sambandi við munnligu próvtøkurnar í føroyskum og donskum er gjørdur ein nýggjur próvtøkuháttur, so at skilja, at nú kann skúlin velja, um flokkur skal upp til munnliga próvtøku sambært próvtøkuhátti A ella próvtøkuhátti B. Sami møguleiki er eisini galdandi í enskum.

Synopsupróvtøkuháttur

Mentamálaráðið hevur avgjørt, at munnliga próvtøkan í føroyskum og donskum í 9. og 10. flokki skal verða fevnd av tveimum próvtøkuháttum: Próvtøkuhátti A og próvtøkuhátti B, tí sonevnda synopsupróvtøkuháttinum.

Saman við Námi hevur Mentamálaráðið orðað vegleiðingar og mannagongdir í sambandi við nýggja synopsupróvtøkuháttin. Hesar vegleiðingar eru nú almennar hjá skúlum kring landið at taka í nýtslu.

Vegleiðing í sambandi við kelduyvirlit

Latið inn hevur JD hin

Dagføring av próvtøkupartinum í føroyskum

Nakrar dagføringar eru gjørdar í námsætlanini fyri føroyskt. Talan er um smærri broytingar í sambandi við bæði skrivligu og munnligu próvtøkurnar í føroyskum í 9. og 10. flokki. Broytingarnar fevna í høvuðsheitum um dagføringar av mannagongdum í sambandi við próvtøkurnar. Væntandi fara samsvarandi dagføringar eisini at verða gjørdar fyri lærugreinina danskt.

Latið inn hevur JD hin

Nýggj yrkisskúlaskipan í 2013

Arbeitt hevur verið við at leggja SIT útbúgvingarnar og yrkisútbúgvingarnar saman í eina skipan, soleiðis at skúlagongdin tær fyrstu 40 vikurnar er tann sama, líkamikið um tú er næmingur ella lærlingur á læruplássi. Nýggja skipanin fer at virka frá august 2013.

Við jøvnum millumbilum er neyðugt at endurskoða allar útbúgvingar. Seinasta veruliga broytingin á yrkisskúlaøkinum varð framd í 1992, tá ið núverandi SIT skipanin fór at virka. Í 1998 kom núverandi yrkisútbúgvingarlóg og FHS lóg.

Frymlar til ársætlan

Saman við Mentamálaráðnum hevur Nám gjørt eitt sett av frymlum, sum er ætlað skúlaleiðslum og lærarum at nýta í sambandi við, at undirvísingin í skúlunum verður løgd til rættis, og tá ið undirvísingargongdirnar í lærugreinunum verða framdar. Hesir frymlar eru tó ikki ókendir millum lærarar, men nú hava lærarar møguleika at nýta einsháttaðar frymlar í sambandi við henda partin av arbeiði sínum.

Síður